![[info]](http://l-stat.livejournal.com/img/userinfo.gif){kind=small}
немцы vs. беларусы?
Пасля маіх неадназначна ацэненых публікай развагаў пра этнагенэз (тут) я вырашыў заняцца крыху іншымі, але не менш надзённымі, пытаннямі.
Пабыў я трохі ў Нямечччыне і пазнаёміўся крыху з тамтэйшымі дыялектамі (іх тры асноўныя). Зразумеў, што калі немец з поўначы будзе размаўляць з немцам з поўдня, а той будзе гаварыць чыста на сваім дыялекце (дарэчы, мненавіта паўднёвы дыялект, верхненямецкі, найбольш моцна трымае свае пазіцыі), то яны насамрэч не паразумеюцца. Да чаго я гэта, а да таго, што мы б на іхнім месцы даўно б ужо падзяліліся і лаялі б адзін аднога. Паўночныя б рагаталі з паўднёвых і называлі б іх калхозьнікамі, а паўднёвыя б лаяліся на паўночных ”ды вы галандцы папсаваныя”, тыпу такога. Прыгадалі б гісторыю, часы феадальнай раздробленасці, што ўсе, маўляў, жылі ў асобных дзяржавах і падзяліліся б.
І цяпер я новымі вачыма гляджу на нас, усходніх славянаў, і разумею, якія ж мы дурні! Нашыя мовы непараўнальна больш блізкія чымся нямецкія дыялекты, беларуская і ўкраінская дык наогул няма пытання, ну, расейская трохі больш розьніцца. Але ж гэта не перашкода для таго, каб быць разам і разам будаваць сабе адну супольную будучыню! Прусы, саксонцы, баварцы і ды іншыя аб'ядналіся пад адным іменем ”Германія” і я мяркую, што менавіта ў гэтым праблема, у назве. Мы павінны займець агульную назву, разам з ёй агульную дзяржаву.
Па логіцы мы мусім назвацца проста ”Русь”, але так будзе крыўдна беларусам і ўкраінцам, бо ў свеце ўсе будуць успрымаць гэтую новаўтвораную краіну як Расею. Для французаў гэта будзе ўсё тая ж Russie, для немцаў Russland, для англамоўных Russia. Таму гэты варыянт не пасуе трэба шукаць нешта больш глыбокае і абагульняльнае. Напрыклад можна назвацца БУР – Беларусь, Украіна, Расея (BUR), альбо РУБ – Расея, Украіна, Беларусь (RUB). Апошняе, дарэчы, вельмі ўдалае, бо супадае са скарочанай назвай нашай агульнай валюты ”рубель”, то бок будзе больш запамінальным. А можна назвацца Вялікая Славія (Great Slavia). Чакаю ад вас прапаноў па назве нашай супольнай краіны!
UPD. Паступілі дзівосныя прапановы Украсібелія і Украбусія. А таксама стала вядома, што слова "Усярусь" ужывалася ў п'есе Дударава. Майстар слова, што тут яшчэ скажаш!
Я таксама распрацаваў некалькі варыянтаў сцягоў для нашай будучай магутнай Айчыны(галасуйце, які вам больш да спадобы). Збудуйма прышласць самі!
1)
2)
3)
Ой, што я пішу?!
Так, мы павінны будаваць саюз братніх народаў Беларусі, Украіны і Расеі!
Буду рады ў дапамозе!
Маці родная, Маці-Краіна,
Не усцішыцца гэтакі боль!..
Ты прабач, Ты прымі свайго сына,
За Цябе яму ўмерці дазволь.
А галава мая ясная не памутнее ад інтэлектуальных гэтых высілкаў!
Калі не вельмі табе да спадобы былі гэтыя развагі, то можа падкажаш, пане дабрадзею, на якую тэму мне наступным разам падумаць? Што непакоіць цябе ў гэтым жыцці, беларусе?
(Спадзяюся, не крыўдуеш. Я жартую, па-добраму.)
Я дакладна не ведаю, што мяне, хай сабе і беларуса, непакоіць. Гэта так залежыць ад моманту. Цяпер мяне непакоіць, што трэба рабіць візу, што прыцягвае розныя праблемы. Часам, вядома, і за дзяржаву мне абідна, але за ўсю яе неяк думаць лянота, мо надта дурны, а можа і проста прэзідэнтам не "амбішуся" стаць)
Шукаць сябе гэта куды цікавей, чым шукаць усіх беларусаў.
Але можа я і не праў.
Ты праў і я праў)) Трымайся!
Хочацца паўдзельнічаць у нацыятворчасці. Уносім прапановы па гербе нашай будучай агульнай магутнай дзяржавы: на блакітным фоне - арол-вершнік з трыма галовамі... ой, чатырма, бо ў Расіі 2 ўжо ёсць, з трызубам і шчытом!
Засталося вызначыцца з мовай. Прапануем трасуржык, а пакуль ён будзе ўведзены, скарыстаемся дэвізам Patria super-puper omnia!
Ура!
Ну так з мовамі мы папрацуем, я мяркую, што пытанне мовы вартае яшчэ некалькіх допісаў!
Слава!
прапаную мадыфікаваць да сённяшніх геапалітычных рэаліяў: Украссірусь, хаця Дудараў таксама не злажаў))